Þar hvarf síðasta hálmstráið

Þeir sem hafa kíkt á bloggfærslur mínar undanfarin ár hafa sjálfsagt ekki farið varhluta af því að ég hef ekki sérstakt álit á þeim flokki manna sem kennir sig við sjálfstæði. Einn gildur limur í þeim flokki hefur þó jafnan notið virðingar minnar enda tel ég að þar sé gegnheil manneskja á ferðinni, með heilbrigða skynsemi og ákveðna auðmýkt gagnvart náunganum. Vissulega hafa ekki allir séð þessa kosti í fari sjálfstæðismannsins en þetta hefur verið mín tilfinning.

Í dag var viðtal við þennan sjálfstæðismann í útvarpinu. Ástæða viðtalsins var augljós, efnahagskreppan og ábyrgð stjórnmálamanna á henni. Viðkomandi komst vel frá viðtalinu, svaraði af skynsemi og með góðum og gildum rökum. Allt var barasta fínt ... alveg þangað til í lokin. Þá spurði útvarpsmaðurinn: "Af hverju ættum við að treysta Sjálfstæðisflokknum til að koma okkur út úr þeirri kreppu sem Ísland er komið í?" Það stóð ekki á svari hjá varaformanni Sjálfstæðisflokksins: "Af því að við þorum ... og við erum ekki sósíalistar!"

Arrrrggghhh ... þar fór síðasta hálmstráið!

Athugasemdir

[Jón Þórðarson (IP-tala skráð) 27.10.2008 kl. 19:37]

Sæl, humm mætti ég spyrja hvað þessi einstaklingur heitir sem þú talar um?  Heyrði ekki þennan útvarpsþátt sem þú talar um.  Kveðja, Jón.

[Ingibjörg Hinriksdóttir, 27.10.2008 kl. 20:06]

Það stóð ekki á svari hjá varaformanni Sjálfstæðisflokksins: "Af því að við þorum ... og við erum ekki sósíalistar!"

[Jenný Anna Baldursdóttir, 27.10.2008 kl. 20:45]

Hahaha, góð. 

[Helga Kristjánsdóttir, 27.10.2008 kl. 23:27]

Missti af þessu,hverju þora þeir? Og enginn annar.  P.S. skoðaðu nýasta hjá Kjartani Photo veit þú lumar á e.hv.

[Sigurjón, 28.10.2008 kl. 00:34]

Mér hefur alla tíð verið ljóst að Þorgerður er algjör bullukollur.  Hún blaðrar endalaust um allt og ekkert og svarar engum spurningum öðruvísi en með langlokum sem koma spurningunni ekkert við.

Hún er algjör tu#@a!

[Árni Þór Sigurðsson, 28.10.2008 kl. 08:35]

Já, þeir þora að koma okkur á hausinn sjálfstæðismenn.  Og vilja ekki jöfnuð og lýðræði.  Þá vitum við það.

[Kristján Þór Gunnarsson, 28.10.2008 kl. 11:46]

Þeir sem hafa komið bezt út í umróti síðustu vikna hafa verið Ingibjörg Sólrún ( trúi ekki að ég sé að segja þetta :-) ) og Steingrímur J.  

[Ingibjörg Hinriksdóttir, 31.10.2008 kl. 00:30]

Á leiknum í kvöld hitti ég varaformann Sjálfstæðisflokksins, sem ég hafði þessi orð eftir. Hún var aldeilis ekki á eitt sátt við mig, því eitthvað hafði mér misheyrst það sem hún sagði. Hið rétta er að Þorgerður Katrín sagði: „Af því að við þorum - og erum ekki populistar!“ Vissulega breytir þetta miklu og ég játa auðmjúk misheyrn mína!