Leita í fréttum mbl.is

Þóra er verðugur forseti lýðveldisins

Sú sýn sem Þóra lýsti í morgunútvarpi Rásar 2 í morgun var í fullum samhljómi við skoðanir mínar um það hvernig forsetaembættið eigi að vera. Í embætti forseta Íslands á að sitja einstaklingur sem talar kjark í þjóðina, sem sameinar, einstaklingur sem er maður sátta og samlyndis. Því miður hefur núverandi forseti brugðist í því hlutverki. Þess vegna þarf breytingu.

Mér finnst erfitt að trúa því að íslensk þjóð sé ekki sammála þessari fullyrðingu, sérstaklega nú um stundir:

Forsetinn, sem er kjörinn beint af þjóðinni, er tákn um einingu ríkisins. Sá sem er kjörinn verður fyrst og fremst að vinna að því að sameina fólk og því tel ég að hann eigi að láta stjórnmálaflokkana um hina pólitísku umræðu. 

Ef þú ert sammála þessu þá er Þóra rétti kosturinn.

Mikið hefur verið rætt um málskotsréttinn og notkun á honum. Það sem Þóra segir er svo rétt, „það ber ekki að tala um málskotsréttinn af léttúð“.

Málsskotsréttinum var ekki ætlað að vera nýttur eins og borðtuska eftir máltíðir.  Þóra sagði að ef sú staða kæmi upp að þingið ætlaði sér að keyra í gegn mál, eins og t.d. aðildarsamning að ESB án þess að spyrja þjóðina, þá væri rétt að taka málsskotsréttinn upp og beita honum. Þessu er ég hjartanlega sammála.

Forsetinn á ekki að beita sér í pólitísku dægurþrasi, hann á að vera yfir slíkt hafinn og ...

 Hann getur ekki farið út í heim og talað gegn utanríkisstefnu sem stjórnvöld hafa mótað.

Langflest af því sem Þóra talaði um í viðtalinu voru í fullkomnum samhljómi við mínar skoðanir og lokaorð hennar um arfleið sína á stóli forseta falla í frjóan jarðveg hjá mér.

Ég vona að hún (arfleifðin) verði eitthvað á þá leið að eftir mína forsetatíð þá hefðum við stigið nokkur góð skref, kannski stór, í átt að því að ná betri samhljómi

 Ég kýs Þóru Arnórsdóttur í forsetakosningunum 30. júní nk.


Sætasta stelpan á ballinu

Sætasta stelpan á þessu balli er klárlega Margrét Björnsdóttir.

Klofin þjóð á ábyrgð hvers

Mikið er ég sammála fyrirsögninni á þessari frétt. Íslensk þjóð er klofin í herðar niður vegna fjármálasamnings milli þriggja þjóða. Samnings sem 75% þingmanna á Alþingi Íslendinga samþykkti. Samnings sem hefur verið lengur í smíðum en margir aðrir. Samnings sem hefur gengið í endurnýjun lífdaga mörgum sinnum. Samnings sem fróðir menn segja að ekki verði hægt að gera betur úr garði en nú er.

Hver ber ábyrgð á sundrungu þjóðarinnar. Hver ber ábyrgð á því að menn slást næstum því opinberlega. Hver ber ábyrgð á vinaslitum manna í millum. Hver ber ábyrgð á því að þjóðin stendur nú frammi fyrir tveimur mjög slæmum kostum. Kostum sem engin þjóð á að þurfa að standa frammi fyrir. Ákvörðun um hvorn kostinn eigi að taka á að vera á herðum kjörinna fulltrúa þjóðarinnar, 75% þeirra samþykktu samninginn.

Þið vitið alveg við hvern ég á. Aldrei, aldrei nokkru sinni, hef ég séð jafn miklu eftir neinu af því sem ég hef kosið um á ævinni eins og því að bera ábyrgð á því að sameiningartákn þjóðarinnar, forsetinn, er nú holdgervingur sundrungar og haturs.

Ég skammast mín fyrir að hafa kosið hann til þess að leiða þjóðina og biðst afsökunar fyrir mína hönd. En ég kemst ekki hjá því að velta því fyrir mér hvort hann skammist sín nokkuð fyrir gjörðir sínar?

 


mbl.is Hörmulegt að þjóðin sé svo klofin
Tilkynna um óviðeigandi tengingu við frétt

Víghólaflokkurinn

Sérhver einstaklingur verður á lífsleiðinni fyrir því láni að á vegi hans verða einstaklingar sem móta hann og styrkja. Ég varð fyrir því láni að fá að kynnast Ólafi Þórðarsyni þegar ég var í gagnfræðaskóla í Kópavogi síðla á áttunda áratug síðustu aldar. Ég hafði reyndar haft spurnir af þessum frábæra tónlistarmanni í gegnum tíðina, hann bjó í næsta nágrenni við mig og bræður mínir voru á svipuðum aldri og hann. Bróðir Óla var góðvinur bræðra minna og fékk ég oft að fylgjast með þessum fjörugu unglingum á mínum yngri árum.

Þegar ég hóf nám í Víghólaskóla, sem var gagnfræðaskóli, þá gafst okkur krökkunum kostur á að fara í tónlistarval hjá Ólafi Þórðarsyni. Hann hafði starfrækt Víghólaflokkinn, sem skipaður var nemendum í skólanum bæði þeim sem voru á gagnfræðaskólaaldri sem og þeim sem voru í framhaldsnámi sem þar var í boði. Það var jafnan mikið líf og fjör í tónlistartímunum, við sungum um Elínu Helenu og þau okkur sem ekki vorum með sterkustu raddirnar fengum að spreyta okkur á einföldum hjóðfærum. Við krakkarnir litum upp til hans og bárum mikla virðingu fyrir honum. Óli, var ekki aðeins kennarinn okkar, hann var líka félagi okkar og vinur æ síðan.

Árásin á Óla var árás á okkur öll. Ég er þakklát fyrir að hafa kynnst þessum góða dreng og ég hvet alla til að mæta á tónleikana sem haldnir verða til styrktar honum. Hann hefur gefið okkur svo margt í gegnum tónlistina, nú er kominn tími til að gefa til baka.


mbl.is Styrktartónleikar fyrir Ólaf
Tilkynna um óviðeigandi tengingu við frétt

Völvuspá Dollýar dulrænu

Ertu búin að lesa völvuspá Vikunnar? Nei ... ok en ertu búin að kaupa DV og lesa spána þar? Nei ekki heldur. En ertu búin að velta þér uppúr þeim frásögnum sem verið hafa af þessum spám í öðrum vefmiðlum? Ef ekki þá skaltu hætta hér og lesa eitthvað annað en ef þú hefur snefil af áhuga á spádómum og forspám þá skaltu endilega lesa lengra.

Dollý dulræna er hugarfóstur sem hefur spáð fyrir um atburði komandi árs í nokkur ár. Hún er bara venjulegt hugarfóstur sem ber nafn og lifir venjulegu lífi. Hún gekkst upp í góðærinu, sökk í svartnætti í hruninu en er nú að ná jafnvægi á ný.

Lestu spána hennar fyrir árið 2011.


Næsta síða »

Höfundur

Ingibjörg Hinriksdóttir
Ingibjörg Hinriksdóttir
Mér kemur allt við!

Lögin mín

- 14 Sil Suffisait d-aimer

Heimsóknir

Flettingar

  • Í dag (19.3.): 0
  • Sl. sólarhring: 2
  • Sl. viku: 12
  • Frá upphafi: 0

Annað

  • Innlit í dag: 0
  • Innlit sl. viku: 11
  • Gestir í dag: 0
  • IP-tölur í dag: 0

Uppfært á 3 mín. fresti.
Skýringar

Innskráning

Ath. Vinsamlegast kveikið á Javascript til að hefja innskráningu.

Hafðu samband