Víghólaflokkurinn

Sérhver einstaklingur verður á lífsleiðinni fyrir því láni að á vegi hans verða einstaklingar sem móta hann og styrkja. Ég varð fyrir því láni að fá að kynnast Ólafi Þórðarsyni þegar ég var í gagnfræðaskóla í Kópavogi síðla á áttunda áratug síðustu aldar. Ég hafði reyndar haft spurnir af þessum frábæra tónlistarmanni í gegnum tíðina, hann bjó í næsta nágrenni við mig og bræður mínir voru á svipuðum aldri og hann. Bróðir Óla var góðvinur bræðra minna og fékk ég oft að fylgjast með þessum fjörugu unglingum á mínum yngri árum.

Þegar ég hóf nám í Víghólaskóla, sem var gagnfræðaskóli, þá gafst okkur krökkunum kostur á að fara í tónlistarval hjá Ólafi Þórðarsyni. Hann hafði starfrækt Víghólaflokkinn, sem skipaður var nemendum í skólanum bæði þeim sem voru á gagnfræðaskólaaldri sem og þeim sem voru í framhaldsnámi sem þar var í boði. Það var jafnan mikið líf og fjör í tónlistartímunum, við sungum um Elínu Helenu og þau okkur sem ekki vorum með sterkustu raddirnar fengum að spreyta okkur á einföldum hjóðfærum. Við krakkarnir litum upp til hans og bárum mikla virðingu fyrir honum. Óli, var ekki aðeins kennarinn okkar, hann var líka félagi okkar og vinur æ síðan.

Árásin á Óla var árás á okkur öll. Ég er þakklát fyrir að hafa kynnst þessum góða dreng og ég hvet alla til að mæta á tónleikana sem haldnir verða til styrktar honum. Hann hefur gefið okkur svo margt í gegnum tónlistina, nú er kominn tími til að gefa til baka.

Styrktartónleikar fyrir Ólaf

Athugasemdir

[Bernharð Hjaltalín, 6.4.2011 kl. 22:38]

Sæl vertu, ég hvet alla til að mæta, eyturlyfjaflokkurinn hefur fengið að stækka og stækka orðin að iðngrein og núna síðast pabbinn með 7. ára syni sínum og drullusokkurinn frændinn fékk að vera með.við höfum látið þetta gerast á mjög stuttum tíma.

[Helga Kristjánsdóttir, 7.4.2011 kl. 03:56]

 Ég má ekki heyra svona fréttir,ég ætla ekki að lýsa þeim,skelfileu tilfinningu,sem fylgja við að heyra þvílíkt ,en þið skiljið. Væri ég á þínum aldri Ingo mín væri ég til í baráttu gegn eiturlyfja neyslu.Sumir vilja gefa þau vægustu í apotekum,þá  yrði engin neðjanjarðar -sala. Mbkv.