Sumarið og „garðurinn“

Tók til í „garðinum“ í dag. Það þýðir að ég sópaði svalirnar hjá mér, tók niður gamlan og visnaðan sýprus og ók með „garðaúrganginn“ í Sorpu. Henti þar einni lítilli pottaplöntu á meðan aðrir stórvirkari tæmdu stórar kerrur sem þeir fengu á leigu hjá Byko. Á leiðinni heim úr Sorpu, kom ég við í Storð og keypti garðaúrgang næsta árs, sígræna plöntu sem heitir Ilm... eitthvað og blómstrar hvítum blómum. Ég keypti líka þrjár plöntur sem blómstra mörgum litlum gulum blómum til að setja í bastkörfuna sem hangir utan á svalahandriðinu, ég held að plantan heiti Sólbrá.

Í dag eru svalirnar mínar þær svölustu í blokkinni og ég mun njóta þess í sumar að sitja þar með einn svalan og lesa í bók á meðan sólin bakar mig. Ummmmm ... ljúft!

Athugasemdir

[Lilja Guðrún Þorvaldsdóttir, 19.5.2008 kl. 01:48]

ÞÚ ÁTT SEMSAGT DÁSAMLEGT SUMAR Í VÆNDUM.

[Ingibjörg Hinriksdóttir, 19.5.2008 kl. 23:54]

Nákvæmlega,

nú vona ég bara að það fari að hlýna almennilega