Reikisamningar milli símafyrirtækja

Um helgina lá leið mín vestur í Stykkishólm, er sú ferð í sjálfu sér ekki í frásögur færandi ef ekki væri vegna þessarar fréttar um útbreiðslu gsm-senda frá Vodafone. Þegar ég var komin langleiðina yfir nýju Vatnaleiðina á leiðinni vestur þá datt síminn minn út. Systir mín sem var með mér í bílnum er með númer frá Símanum og hennar sími var inni allan tímann.

Vodafone síminn minn kom ekki almennilega inn aftur fyrr en ég var komin langleiðina út á Þórsnes og inn í Stykkishólmsbæ. Þetta er að mínu mati ekki góð þjónusta og í raun algjörlega fáránlegt að  símafyrirtækin skuli ekki vera með reikisamning sín á milli þar sem Vodafone getur notað dreifikerfi Símans og öfugt þegar þannig stendur á.

 

Nýir gsm sendar settir upp

Athugasemdir

[Snorri (IP-tala skráð) 28.4.2008 kl. 00:46]

Þeir reikisamningar sem gerðir voru fyrir mörgum árum síðan tóku aðeins til þeirra senda sem voru komnir upp þegar samningar voru gerðir. Þeir sendar sem settir hafa verið upp síðan þá eru ekki innan reikisamninga og því ekki aðgengilegir fyrir önnur Símafyrirtæki.

Þetta er bara eðlileg samkeppni... 

[Olafur jakobsson (IP-tala skráð) 28.4.2008 kl. 02:06]

Síminn er ekki með neina reikisamninga við vodafone í sambandi við nýju gsm sendana, þeir eru aftur á móti að reyna að semja um það

[Lilja Guðrún Þorvaldsdóttir, 28.4.2008 kl. 12:17]

Hvað með "grunnnetið" ?

[Ingibjörg Hinriksdóttir, 28.4.2008 kl. 23:44]

Já hvað með grunnnetið?

Ég ætla ekki að stoppa umferð neinsstaðar eða ganga um með mótmælaspjald, en mér finnst þetta illa farið með fjármuni að þessi símafyrirtæki skuli ekki nýta tæknina og tækin betur en raun ber vitni. Símareikningar eru hjá mörgum stjarnfræðilegir og það er með ólíkindum að fyrirtækin skuli ekki sjá sér hag í því að vinna saman að dreifikerfinu. Var ekki frétt um það fyrr í vor að annað fyrirtækið hefði sett upp sendi á einum stað og svo hafi hitt fyrirtækið komið og sett upp annan sendi á sama stað!  Þetta er fáránlegt og ég ítreka að mér finnst þarna illa farið með fjármuni.