Frábær flutningur á Verkamanni Steins og Bergþóru

Á minningartónleikum um Bergþóru Árnadóttur í Salnum fyrir skömmu flutti trúbadorinn Jónas Sig ljóð Steins Steinarrs um Verkamanninn við lag Bergþóru. Útsetning lagsins var vægast sagt frumleg, gítar og túba.  Magnaður flutningur.  Upptöka af laginu hefur nú verið sett inná YouTube, ekki í sérstökum gæðum en gefur engu að síður góða hugmynd um flutninginn.

Athugasemdir

[Lilja Guðrún Þorvaldsdóttir, 29.2.2008 kl. 00:35]

Get trúað að það hafi verið mögnuð stemmning á þessum sérstæðu tónleikum.  Bergþóra var mjög sérstakur listamaður,  hún var ein kvika án skráps,  og því svo næm,  fyrir öllu,  tók á móti lífinu,  með opinn faðm,  hvort sem það var gott eða illt.  Ég hefði viljað vera á þessum tónleikum til að heiðra minningu hennar,  en átti ekki heimangengt.

[Helga Kristjánsdóttir, 29.2.2008 kl. 02:19]

?????mörg spurningamerki hvort  mér tekst að senda þetta til þín búin að skrifa þér 10x gafst upp fór í fýlu við tölvuna í 3 daga var búin að mæra þig mín kæra skáldskap o.fl.   ok  prófa núna.

[Ingibjörg Hinriksdóttir, 29.2.2008 kl. 07:52]

Lilja, þetta voru frábærir tónleikar og geisladiskasafnið með lögum Bergþóru sem ég fékk sent frá Dimmu í vikunni eru ekki til að skemma stemminguna. Frábærir 5 diskar þar sem öll lög Bergþóru eru saman komin. Þetta eru a.m.k. 100 lög sem eru hvert öðru betra. Ég verð þó að viðurkenna að ég varð fyrir örlitlum vonbrigðum með flutning nokkurra laga en þá kom lag eins og Verkamaðurinn í flutningi Jónasar Sig og ég tók gleði mína á ný. Þetta er bara snilld!

Helga, ekki gefast upp á tölvunni, mundu að hún er vinur þinn og haltu endilega áfram að setja inn athugasemdir hjá mér. Koss og knús, Ingó.

[Ingibjörg Hinriksdóttir, 29.2.2008 kl. 17:56]

Frábært Ægir, við hvaða texta samdir þú lögin? þú þarft endilega að koma þessu frá þér svo aðrir geti notið laganna og ljóðanna með þér.

[Ingibjörg Hinriksdóttir, 1.3.2008 kl. 09:25]

Vá ... þetta eru tvö frábær ljóð og kannski ekki svo einföld í lagasmíði. Þegar ég var í gagnfræðaskóla, Víghólaskóla í Kópavogi, þá var Ólafur Þórðarsson þar með skólakór þar sem við sungum (að mig minnir) lög við bæði þessi ljóð. Ég veit þó ekki til að þau hafi verið útgefin neinstaðar þannig að nú er lag fyrir þig!