Fólk er ekki fífl

Stjórnmálafræðingur segir þörf á uppgjöri: Þau geta ekki sagt við fólk: Þið eruð fífl!

Svona var fyrirsögn í Pressunni í dag og þetta var lapið upp í fréttatíma Bylgjunnar í hádeginu. Það er vissulega alvarlegt að nokkur sem lokið hafi stjórnmálafræði skuli setja málin fram með þessum hætti. Í grein viðkomandi er fjallað um afglöp og mistök ríkisstjórnar og orð forystumanna hennar túlkuð með einum og afar ákveðnum hætti.

En bíðum við hver er þessi umræddu stjórnmálafræðingur?

Stefanía Óskarsdóttir er fertug að aldri, doktor í stjórnmálafræði frá Purdue-háskóla í Bandaríkjunum og hefur starfað sem kennari við Félagsvísindadeild Háskóla Íslands. Á þessu kjörtímabili hefur hún nokkrum sinnum tekið sæti á alþingi sem varaþingmaður fyrir Sjálfstæðisflokkinn og hefur setið í flokksráði Sjálfstæðisflokksins frá 1999. Þá hefur hún meðal annars starfað sem verkefnisstjóri í forsætisráðuneyti og menntamálaráðuneyti á kjörtímabilinu og sem formaður nefndar á vegum forsætisráðuneytisins, sem rannsakar efnahagsleg völd í þjóðfélaginu með tilliti til kynferðis.

Endilega ekki taka það fram elskulegu fréttamenn að umræddur stjórnmálafræðingur sem hampað er með þessum hætti sé varaþingmaður Sjálfstæðisflokksins.

Bæði varaþingmaðurinn og fjölmiðlamenn verða að átta sig á því að fólk er ekki fífl.

Athugasemdir

[Sigurður Þorsteinsson, 7.3.2010 kl. 17:49]

Nei þess vegna felldum við Icesave. Minni þig á að flokkurinn þinn greiddi einhuga með þessum felldu lögum á þingi. Fólkið er ekki fífl, en ...

[Ingibjörg Hinriksdóttir, 7.3.2010 kl. 19:09]

Hvaða Icesave var fellt? Icesave lifir góðu lífi og mun væntanlega taka upp enn meiri tíma en áður í fjölmiðlum.

Annað er rétt.

[Ingibjörg Hinriksdóttir, 7.3.2010 kl. 19:10]

... og svona til að halda því til haga þá samþykkti þinn flokkur það líka að borga Icesave!