Sjálfstæðismenn ...

þið hafið komið ykkar skoðun á framfæri.

Þið eruð á móti stjórnlagaþingi.

Það eru allir búnir að ná því.

Nú þurfið þið að sætta  ykkur við það að þið eruð í minnihluta á þingi. Ég veit að þið kunnið það ekki og það fer ekki framhjá mér að ykkur líður ekki vel í minnihluta. En nú, þegar þið hafið talað og malað í fleiri sólarhringa um stjórnlagaþingið (og þess á milli um fundarstjórn forseta og að þið þurfið endilega að komast heim til barna ykkar og það jafnvel uppá Akranes) þá ráðlegg ég ykkur að hætta þessu málþófi og leyfa öðrum málum að komast að.

Þið segið að stjórnlagaþing geri ekkert fyrir þjóðina, það muni ekki koma þjóðinni til bjargar í því ástandi sem þið hafið komið þjóðinni í. Ástæða þess að önnur mál komast ekki að er sú að þið malið og malið um þetta stjórnlagaþing.

Farið nú að taka ykkur á og horfið á raunveruleikann eins og hann er, þið ráðið ekki ferðinni lengur. Þess utan eruð þið aðeins að verða ykkur til skammar á þinginu!

 

Athugasemdir

[Ólafur Þór Gunnarsson, 4.4.2009 kl. 11:56]

Ég er sammála þér Ingó hvað þetta varðar. Sjónarmið þeirra er þegar komið fram, og frekari málalengingar og málþóf mun ekki bæta málstaðinn. Sjálfstæðismenn eru enn að átta sig á að þeir ráða ekki öllu á landinu og það gengur þeim illa.

[Ingibjörg Hinriksdóttir, 4.4.2009 kl. 15:04]

Nákvæmlega

[Högni Jóhann Sigurjónsson, 4.4.2009 kl. 15:32]

Ég er sammála ykkur, en það sem verra er að Sjálfstæðisflokkurinn ræður enn þá alltof mikklu, þeir hafa skotið rótum um allt stjórnsýslukerfið og meiga ekki með nokkru móti til þess vita að við fólkið getum með nokkru móti haft eitthvað með okkar mál að gera eða um að segja, ég sé ekki betur og þá sérstaklega þegar ég heyri eða sé viðtöl við Birgi að þeir eru stútfullir af hroka.

[Jenný Anna Baldursdóttir, 4.4.2009 kl. 15:39]

Dream on að þeir hætti og gefist upp fyrir meirihluta, lýðræði, sanngirni, vilja fólksin og svo framv.

Ónei.

[Ingibjörg Hinriksdóttir, 4.4.2009 kl. 16:43]

Högni, hárrétt hjá þér. Hárrétt!

Jenný ... ÉG Á MÉR DRAUM!!!!