Minning um mann

Vinur minn, Páll Bjarnason prentari, bað mig um að um daginn að setja lag Gylfa Ægissonar, Minning um mann, á bloggið. Ég verð fús við bón hans og læt fylgja með myndskeið af Logum spila lagið.

Textinn við lagið:

Nú ætla ég að syngja ykkur lítið fallegt ljóð
um ljúfan dreng, sem fallinn er nú frá,
um dreng sem átti sorgir en ávallt samt þó stóð
sperrtur þó að sitthvað gengi á.

Í kofaskrifli bjó hann, sem lítinn veitti yl,
svo andvaka á nóttum oft hann lá.
Þá Portúgal hann teygaði, það gerði ekkert til,
það tókst með honum yl í sig að fá. 
    Viðlag:
    Þið þekktuð þennan mann,
    þið alloft sáuð hann,
    drykkjuskap til frægðar sér hann vann.

Börnum var hann góður, en sum þó hræddust hann,
hæddu hann og gerðu að honum gys.
Þau þekktu ei litlu greyin þennan mæta mann,
já, margt er það sem börnin fara á mis. 
    Þið þekktuð..

Munið þið að dæma ei eftir útlitinu menn,
en ýmsum yfir þessa hluti sést.
Því til er það að flagð er undir fögru skinni enn
en fegurðin að innan þykir best. 
    Þið þekktuð..

Nú ljóðið er á enda um þennan sómasvein,
sem að þráði brennivín og sæ.
Hann liggur nú á kistubotni og lúin hvílir bein,
í kirkjugarði í Vestmannaeyjabæ. 
    Þið þekktuð..

Athugasemdir

[magnús (IP-tala skráð) 24.3.2009 kl. 14:00]

Segir hann ekki í lokaerindinu "sem að þráði brennivín úr stæ" eða eitthvað álíka?

[Ingibjörg Hinriksdóttir, 24.3.2009 kl. 19:54]

Jú Magnús, svei mér þá, það er rétt hjá þér! Ekki hafði ég tekið eftir þessu.

[Sigrún Óskars, 24.3.2009 kl. 22:20]

Gaman að hlusta á þetta lag - hvað er eiginlega langt síðan þetta lag var vinsælt?

ég tók líka eftir þessu með textann.

[Hilmar Gunnlaugsson, 24.3.2009 kl. 23:20]

Þakka þér fyrir gott lag Ingibjörg mín.

[Björn (IP-tala skráð) 24.3.2009 kl. 23:23]

Textinn er réttur en söngurinn ekki.

[Magnús Helgi Björgvinsson, 24.3.2009 kl. 23:38]

Og í útgáfu Loga segir í lokaerindinu held ég í tilefni af Vestmannaeyjagosinu er texinn breyttur.

"Hann liggur nú á kistubotni og lúin hvílir bein,

í öskuhrúgu í Vestmannaeyjabæ"

 Það heyrist m.a. í þessari upptöku. Held að þetta lag ásamt nokkrum öðrum sé það mest sungna lag sögunar í partýum og útilegum.

 Flott að einhver hafi komið þessu myndbandi á youtube

[Helga Kristjánsdóttir, 24.3.2009 kl. 23:45]

 Gylfi hefur gert falleg lög, held samt mest uppá "Í sól og sumaryl.        Reiddist honum einusinni vegna texta umkonu'kokk á báti,gerði því svartexta, gott að fiflast með á konukvöldi. (-: