Mótmælum öll - burt með spillingarliðið!

Ágætu netheimar, ég minni á mótmælafundi í miðbæ Reykjavíkur á morgun. Þeir fundir sem ég veit um eru kl. 13:00 í Iðnó og kl. 15:00 á Austurvelli.

Af hverju ættum við að mótmæla?

• Til að hinn almenni borgari geti komið hugmyndum sínum og skoðunum á framfæri á óvissutímum.
• Á síðustu vikum hefur almennum borgurum hvergi gefist kostur á að tjá sig eða spyrja ráðamenn beinna spurninga.
• Öllum stjórnmálamönnum, seðlabankastjórum og bankastjórum verður boðið að mæta til að svara spurningum Íslendinga, milliliðalaust.
• Til að almenningur fái skýr skilaboð og sé ekki hafður útundan í umræðunni.
• Til að leita spurninga og svara um hvað framtíðin ber í skauti sér.

http://www.borgarafundur.org/

 

Athugasemdir

[Katrín Snæhólm Baldursdóttir, 7.11.2008 kl. 17:31]

Borgarafundurinn er eins og þú segir klukkan 13.00 í Iðnó en mótmælin á Austurvelli eru klukkan 15. 00 eins og aðra laugardaga

Það verða nokkur hundruð skilti fyrir mótmælendur í boði fyrir utan Iðnó...hvet fólk eindregið að fá sér eitt í hönd á leiðinni út á Austurvöll. Á þessum skiltum stendur m.a spillinguna burt og Borgum ekki!!!

Sjáumst á morgun!!

[Ingibjörg Hinriksdóttir, 8.11.2008 kl. 07:44]

Sæl Katrín. Þakka þér fyrir ábendinguna ég hef breytt því hjá mér. Hitt er síðan annað mál að ég get ekki með nokkru móti samþykkt að menn borgi ekki sínar skuldir, hverjir sem þeir eru. Hluti af þeirri spillingu sem ég ætla að mótmæla er einmitt vegna þeirra silkihúfa sem ekki ætla að borga þær skuldir sem þeir hafa sannarlega stofnað til.

Ég hef stofnað til skulda undanfarin ár, sumar af þeim skuldum hafa rokið upp á undanförnum vikum, ég mun borga þær svo lengi sem ég mögulega get. Mér dettur a.m.k. ekki í hug að láta einhvern annan borga þær fyrir mig því skuldir eiga jú ekki að gufa upp!