Flensan búin að ná mér

Þá náði flensan í afturendann á mér, allt að því í bókstaflegri merkingu því beinverkir í neðanverðu baki og lærum eru með hreinum ólíkindum . Þegar svona er ástatt þá er ekki annað að gera en reyna að lesa, hlusta á tónlist og horfa eitthvað á sjónvarpið en því miður var þessi dagur ekki besti sjónvarpsdagurinn. Ég hugði þó gott til glóðarinnar og stillti á Alþingi, þar eru oft umræður í upphafi þingfunda sem getur verið skemmtilegt að fylgjast með. Mér til mikillar ánægju sofnaði ég yfir umræðunum eftir um það bil hálftíma áhorf.

Í kvöld beið ég síðan spennt eftir leik AC Milan og Arsenal og var mjög hneyksluð á gestum í myndveri þegar þeir spáðu báðir að AC Milan myndi hafa sigur. Það gekk náttúrulega ekki upp í mín eyru enda fór það svo að mínir menn í Arsenal unnu sannfærandi og sanngjarnan 2-0 sigur á ítalska liðinu.

Athugasemdir

[Lilja Guðrún Þorvaldsdóttir, 4.3.2008 kl. 23:32]

Farðu vel með þig, þessi flensa er mjög lúmsk og afar þrálát. Svo farðu mjög vel með þig. Kveðja Lilja

[Ingibjörg Hinriksdóttir, 5.3.2008 kl. 00:20]

Kærar þakkir, reyni að gera það eins og ég get. Mér finnst bara svo helv. leiðinlegt að vera veik!

[Lilja Guðrún Þorvaldsdóttir, 5.3.2008 kl. 00:43]

Sama hér, ég hreinlega þoli það ekki.  Kannski þessvegna sem ég svo steinlá í þessari flensu var bara fárveik með háan hita.  Því segi ég farðu vel með þig.