Fínn sigur Blika á ÍBV

Hann var erfiður gærdagurinn fyrir Eyjamenn. Allt á kafi í snjó og þeir sem voru á landi voru kaffærðir í leik Breiðabliks og ÍBV sem fram fór í Kórnum. Blikaliðið lék eins og þeir sem valdið hafa og unnu sérlega sannfærandi sigur, 7:0 í Lengjubikarnum.

Breiðabliksliðið er lítið breytt frá fyrra ári og virðist ætla að halda stöðugleika sem svo sárlega hefur vantað á undanförnum árum. Marel Baldvinsson er kominn til baka í Kópavoginn og hann á klárlega eftir að ná vel saman með Prince í fremstu víglínu. Það vakti þó sérstaka athygli hvað ungu strákarnir voru að standa sig vel en einn þeirra, Haukur Baldvinsson, skoraði með sinni fyrstu snertingu í sínum fyrsta leik með meistaraflokki. Frábært hjá honum og strákunum öllum.

Auk Hauks skoruðu Marel 2, Nenad Z 2, Nenan Petrovic 1 (eitt af dýrari gerðinni - þrumari utan teigs!!) og Olgeir 1.

Athugasemdir

[Helga Kristjánsdóttir, 4.3.2008 kl. 02:03]

Ég á eftir að sjá leik í Kórnum,mér lýst afar vel á þjálfarann og Blikaliðið er gott´,mér er svo minnistætt árið 1971 Þegar Þór Hreiðars keypti lítið hús á Álfhólsvegi og Diddi var að hjálpa honum að mála þeir m´luðu með stórum stöfum Breiðablik Ísllandsmeistarar 1971.En draumar okkar dóu fyrir löngu,dett þó stundum um þá enn,synd þeir skyldu verða að öngu,þannig leika örlög suma menn.systir mín í Vestmannaeyjum hringdi þessvegna er þetta næturblogg,vildi ekki stæra mig.Að sigra Vestm,eyjar stórt öðruvísi mér áður brá.góða nótt.

[Smári Jökull Jónsson, 4.3.2008 kl. 11:16]

Æi ég er feginn að ég sá ekki þennan leik. Þó maður sé nú kominn inni í Breiðabliksklúbbinn þá er ÍBV auðvitað alltaf númer 1. Sem betur fer er ólíklegt að liðin mætist í sumar, vonandi bara að bæði standi sig vel á sínum vígstöðum ! :-)

[Ingibjörg Hinriksdóttir, 4.3.2008 kl. 22:28]

Helga, þetta er góð saga ég hafði ekki heyrt hana fyrr. Nú er kannski ráð að mála svona skilaboð á hús fyrir næsta sumar???

Smári, þú átt samúð mína. Ég hef séð ótalmarga leiki milli þessara liða og aldrei hefur munurinn verið jafn mikill og nú. Ég tek undir það með þér að óska báðum liðum velfarnaðar á vellinum í sumar, en ég veit að ef svo ólíklega vildi til að liðin mættust í sumar þá værum við a.m.k. sitthvoru megin á vellinum!