Ráðherrann kíkti í kaffi og vínarbrauð

Mikið er ég ánægð að Kristján Möller hafi kíkt í kaffi hjá bæjarstjóranum í Kópavogi í morgun. Vesalings bæjarstjórinn var búinn að bíða eftir ráðherranum í 9 mánuði, hámandi í sig vínarbrauð og rúnnstykki. Var farinn að leiðast biðin og leið eins og hryggbrotinni mær.

Mikið er gott að samgönguráðherrann miskunaði sig yfir ljósmyndafyrirsætu ársins og bjargaði bæjarstjóranum frá því að borða allt bakkelsi morgunsins sjálfur. Eitthvað ræddu þessir fyrrum starfsfélagar af Alþingi samgöngumál milli þess sem þeir mauluðu vínarbrauð. Það getur þó ekki hafa tekið langan tíma fyrir bæjarstjórann að útlista fyrir ráðherranum hvar skóinn kreppir í Kópavogi, enda býr ráðherrann í því sveitarfélagi á meðan þing starfar. Ég vona að fundur þeirra hafi verið árangursríkur Kópavogsbúum til heilla og framdráttar.

Athugasemdir

[Lilja Guðrún Þorvaldsdóttir, 27.2.2008 kl. 22:59]

Ertu viss um að "þessi" ráðherra hafi verið ástæðan fyrir þessari bið bæjarstjórans?  Eða beið hann bara einhvers ráðherra?.  T.d. sat hann eða " lá hann á" í níu mánuði????.,  Var bæjarstjórinn búinn að sýna einhver önnur furðuleg heit,  en að sitja fyrir,  sem "ljósmyndafyrirsæta ársins" með og án grímu?. -  Það náttúrulega kallar á viðbrögð  í samgöngumálum. -  Því hafi hann verið  búinn að bíða í níu mánuði ?   Aha,  níu mánuðir maulandi vínarbrauð,  ...Þá, t.d. getur maður spurt:  Hvort biðin hafi verið þess virði?  það má líka spyrja:  Hvort eitthvað hafi komið útúr þessu,  úrþví sjálfur Ráðherrann kom loksins?.  - Og þá er það lokaspurningin:   Kom ráðherrann af því að þetta var orðið svo pínlegt,  að horfa upp á,  Bæjarstjórann,  með þessum hætti.  Eða kom ráðherrann bara, afþví hann, átti leið framhjá, og langaði í vínarbrauð,  og þau voru öll uppseld, í bakaríinu.

[Ingibjörg Hinriksdóttir, 28.2.2008 kl. 15:16]

Sæl, þetta eru allt góðar og gildar spurningar. Ég sá hins vegar í blöðunum í dag að ráðherrann hafði ekki vitað af því að bæjarstjórinn væri að bíða!  Það var því varla nema von að biðin hafi lengst hjá bæjarstjóranum  því ekki les ráðherann hugsanir, þó hann sé klókur karl.

Ráðherrann kom um leið og hann fékk fundarboð í formi lesendabréfs í gærmorgun. Hann brást reyndar svo skjótt við að bæjarstjórinn var á öðrum fundi þegar ráðherrann kom, og það var hvorki rúnnstykki né vínarbrauð á staðnum (kannski var bæjarstjórinn búinn að borða þauð áður en ráðherrann kom) - bæjarstjórinn lét senda eftir fleiri vínarbrauðum svo ráðherrann fékk eitthvað í gogginn eins og bæjarstjórinn hafði lofað.

[Lilja Guðrún Þorvaldsdóttir, 28.2.2008 kl. 16:12]

Hahahahahahahaaa.   Frábær saga.  Alveg ótrúleg saga.  Getur verið að  sjálfur bæjarstjórinn hafi gleymt að senda fundarboðið á sínum tíma?  Eða eru þetta erfiðleikar í póstsamgöngum nútímans.

[Ingibjörg Hinriksdóttir, 28.2.2008 kl. 22:47]

Það er ekki gott að segja til um hvað bæjarstjórinn man og hvað ekki. En það kom a.m.k. fram í frétt á vefnum í dag að þeir hafi rætt saman um að ráðherrann þyrfti endilega að kíkja í heimsókn, en þar sem hann fékk ekkert formlegt fundarboð þá mætti hann ekki fyrr en fyrirsæta ársins kvartaði í Mogganum um að sitja einn að kræsingum á hverjum morgni!