Draumadrottningar yfirgefa Klakann og einn í Karabíska

Tvær sannkallaðar draumadrottningar hafa yfirgefið Klakann eða eru á leið yfir hafið nú í janúar. Þarna er ég að tala um söngdrottningar, hæfileikadömurnar og frænku mína og vinkonu Maríu mína og Gretu Sam.

María, systurdóttir mín, er söngkona af guðs náð, auk þess sem hún hefur nú aðeins stúderað sönginn sinn. Hún er hefur líka lokið einleikaraprófi í klarinettuleik og er nú við nám og störf í Þýskalandi. Hún fór utan í haust en er væntanleg aftur, alkomin, í febrúar (vonandi fyrr segir hún sjálf). Það var gott að fá hana heim um jólin en hún er svo mikið knús og krús að það hálfa væri nóg. Það sést best á myndinni hér að neðan:

Svo er hún Gretgus, Gretkó, Gismó, eða bara Greta Sam að fara til Ammmeríku þann 7. janúar þar sem hún ætlar að læra og spila smá fótbolta. Gretkus er vinkona mín og hún er líka fjári góð söngkona, svo er hún líka leikkona, hún er fótboltakona og fimleikakona og svo var hún líka frjálsíþróttakona og matráðskona og svo margt fleira. Hún er líka knús og sér sjálf um að setja inn myndir af sér og sínum nánustu en eftir því sem ég reikna þá má finna 439 myndir af henni og hennar fólki á tenglinum hér á undan.

En ég má ekki gleyma Pjakki Breiðfjörð, sem siglir nú sinn sjó í Karabíska hafinu og lemur húðir af miklum móð. Pjakkur, sem heitir reyndar Ellert Sigþór Breiðfjörð Sigurðarson, er bróðursonur minn og gríðarlega flottur trommari. Hann siglir nú um höfin á skemmtiferðaskipi. Hefur alið manninn við Miðjarðarhafið en flutti sig og skipið fyrir skemmstu yfir til Karabíska hafsins, þar sem hann hefur m.a. leikið jólasvein og eitthvað annað sem ég kann ekki að nefna, hann var a.m.k. íklæddur bleyju og öryggisnælum á gamlárskvöld!  Pjakkur er líka sætasti strákurinn á skipinu ... eruð þið ekki sammála því?

Athugasemdir

[María frænka (IP-tala skráð) 5.1.2008 kl. 10:52]

Ó hvað þetta voru falleg orð elsku Ingó! Þú ert sko líka knús og krús
(gaman að geta loksins kommentað)