Frostið oss herði

Ísland

Þú nafnkunna landið sem lífið oss veittir,
landið, sem aldregi skemmdir þín börn,
hvert þinnar fjarstöðu hingað til neyttir,
hún sé þér ódugnaðs framvegis vörn.

Undarlegt sambland af frosti og funa,
fjöllum og sléttum og hraunum og sjá,
fagurt og ógurlegt ertu þá brunar
eldur að fótum þín jöklunum frá.

Fjör kenni oss eldurinn, frostið oss herði,
fjöll sýni torsóttum gæðum að ná.
Bægi sem kerúb með sveipanda sverði
silfurblár ægir oss kveifarskap frá.

       Bjarni Thorarensen

Athugasemdir

[ÞJÓÐARSÁLIN, 6.10.2008 kl. 23:29]

Það var gaman að þú skildir velja þarna ljóð eftir langa-langa-langafa minn. Ekki allir sem vita að hann bjó í Gufunesi og götur og mannvirki í Foldahverfi bera nöfn, sem koma úr ljóðunum hans. Úr þessu kvæði koma Frostafold og Funafold. - Allir þekkja kvæðið: Eldgamla Ísafold, ástkæra fósturmold, fjallkonan fríð. - Þaðan kemur nafnið á aðalgötunni, Fjallkonuvegur.

[Helga Kristjánsdóttir, 7.10.2008 kl. 00:51]

Gott að fá þetta í hjartastað, er orðin þreytt eftir daginn fæddist lítill langömmustrákur og svo allt "hitt"í þjóðmálum,svara Kjartani,farin að sofa 1 afkomanda ríkari.