Horfið á veðurfréttir og verslið við björgunarsveitirnar

Það er alveg makalaust hversu illa sumt fólk virðist búa sig undir jökla- og fjallaferðir. Síðustu 5 daga hefur verið varað við stormi og illviðri á landinu í dag og á morgun. Vissulega getur verið að fólkið sem um ræðir í þessari frétt hafi undirbúið sig af kostgæfni, horft á veðurfréttir og farið varlega í hvívetna, ég gef mér það a.m.k.. Ég tek undir með mörgum þeirra sem hafa tjáð sig um þessa frétt að það er lágmark að umræddir ferðalangar og fjölskyldur þeirra styðji við björgunarsveitirnar fyrir þessi áramót og öll áramót hér eftir.  Björgunarsveitirnar byggja sitt starf að miklu leyti á flugeldasölu og njóti hennar ekki við þá geta fjallaferðir eins og þessar farið illa, afar illa!

Jeppaferðalangar komnir til byggða

Athugasemdir

[Ingólfur Ásgeir Jóhannesson, 30.12.2007 kl. 19:18]

Það verður alltaf auðveldara og auðveldara að fylgjast með veðri og færð - og veðurspár ótrúlega mikið betri en þegar ég var að alast upp. Veðrinu núna hafði verið spáð í næstum því viku en líklega var það fyrr á ferðinni en í fyrstu spánni. Svo eru upplýsingar á netinu og símum, bæði frá Veðurstofunni og Vegagerðinni.