„Þau eru súr“ sagði refurinn

Hádegismóar tala nú um nýjan skatt en ekki breytingar á lögum sem fela í sér lægri skatt af afskriftum.

Í því sambandi er rétt að benda á að afskriftir hafi ALLTAF verið skattskyldar.  Hér er ekki um nýjan skatt að ræða.  Heldur er verið að minnka hugsanlegan skatt sem fyrirtæki og einstaklingar geta lent í auk þess sem ákveðinn hluti verði skattfrjáls.

Sem sagt - aftur og til að undirstrika:

Afskriftir hafa ALLTAF verið skattskyldar.  Eftirgjöf skulda er alltaf skattskyld.

Ríkisstjórnin er með tillögum sínum að minnka þennan skatt sem hefur verið og er EKKI um nýjan skatt að ræða.  Eins og segir í fréttinni þá er talað um breytingar á skattlagningu afskrifta.

Mogginn hinsvegar setur þetta svona upp og það er athyglisvert.  Þar ræður sameiginlegt markmið Morgunblaðiðsins og Sjálfstæðisflokksins að koma stjórninni frá og tala niður aðgerðir ríkisstjórnarinnar.

Aðalatriðir er að í tillögum ríkisstjórnarinnar er gert ráð fyrir að hóflegar skuldbreytingar verði skattfrjálsar en stórfelldar niðurfellingar skattlagðar - kannski svíður síðara atriðið sárt einhverja þá sem að Mogganum standa?

 

Athugasemdir

[Sigurður Þorsteinsson, 19.3.2010 kl. 21:43]

Aðgerðarleysi og getuleysi Samfylkingarinnar í ríkisstjórn sér til þess að 17.000 eru atvinnulausir. Það bitnar verst á ungu fólki. Um leið og samráð er haft við Samfylkingin í Kópavogi varðandi fjárhagsáætlun kemur tillaga um sundskatt á eldra fólk. Þeir einu sem Samfylkingin virðist verja eru útrásarvíkingarnir, enda telja Baugsmiðlarnir Samfylkinguna vera aðal flokkinn.

Farðu að koma þér út úr skjaldborginni og horfast í augu við raunveruleikann.