Drifkraftur í Jóhönnu, kraftur sem sætir furðu að ekki hafi verið í fyrirrennara hennar

Það lá við að ég beygði af í dag þegar ég heyrði upptöku af afsökunarbeiðni Jóhönnu Sigurðardóttur til drengjanna á Breiðavík og annarra þeirra barna sem hafa á einhverjum tíma orðið fyrir ofbeldi eða hlotið illa vist á stofnunum hins opinbera. En þar sem ég var í vinnunni og með félögunum á kaffistofunni hélt ég andlitinu en inní mér sló hjartað aukaslag í þökk til Jóhönnu sem um stund bar sæmdarheitið heilög Jóhanna með sóma og sann.

Í dag og í kvöld hafa síðan birst viðtöl við forsvarsmann Breiðavíkursamtakanna þar sem hann þakkar Jóhönnu fyrir hennar orð og segir jafnframt að hann skilji það ekki af hverju fyrirrennari hans hafi ekki getað stigið þetta skref. Hjartanlega og alveg er ég sammála þessum manni. Hvað stóð í vegi Geirs H. Haarde að biðja drengina afsökunar? Það var enginn að benda á hann og segja að þetta hafi verið honum að kenna. Jóhanna er kona dagsins og ég á þá ósk heitasta að hún taki fljótlega af skarið og við keflinu af nöfnu minni sem formaður Samfylkingarinnar.

Athugasemdir

[Helga Kristjánsdóttir, 12.3.2009 kl. 22:51]

Ég held Ingo mín,þótt Jóhanna hafi orðið sem forsætisráðherra,eigi Kolbrún Halldórsdóttir sinn stóra þátt í að þetta mál er komið á rekspöl.    Ása Hjálmars hugrökk móðir eins drengjanna sem var hnepptur í  ánauð,skrifaði grein minnir í Moggann ;Aftaka fjölskyldu í Hafnarfirði;   Sú grein er átakanleg. En þökk sé Jóhönnu og ríkisstjórninni.         

[Anna Benkovic Mikaelsdóttir, 13.3.2009 kl. 23:53]

segðu!!!...en hver var aftur "fyrirrennari hennar!"?

[Ingibjörg Hinriksdóttir, 14.3.2009 kl. 12:53]

Þú mátt velja milli Geirs H. Haarde og Davíðs Oddssonar.

[Ingibjörg Hinriksdóttir, 14.3.2009 kl. 12:54]

Já og Halldórs Ásgrímssonar, þó hann hafi verið fljótur að gleymast hjá mörgum og sé sérstaklega óeftirminnilegur maður þá var hann víst líka forsætisráðherra þegar Breiðavíkurmálið kom upp. Kannski var Davíð hættur ... ?