Jólabaksturinn

Jólaundirbúningurinn heldur áfram. Í dag hrærði ég í smákökurnar sem ég ætla að baka. Þetta eru súkkulaðibitakökurnar hennar mömmu, bestu súkkulaðibitakökur sem ég hef bragðað (og hef þó bragðað þær nokkrar). Lykilatriði í súkkulaðabitakökunum hennar mömmu er að nota Orange súkkulaði í kökurnar, örlítill keimur af appelsínu gefur kökunum slíkt yndislegt bragð að það hálfa væri hellingur.

Kökurnar ætla ég að baka á fimmtudaginn á vinnutíma og veita vinnufélögum mínum örlítið smakk.