Áramótaskaupið

Einn er sá sjónvarpsþáttur sem langflestir, ef ekki allir, landsmenn horfa á. Það er áramótaskaupið. Undir lok hvers árs byrja vangaveltur um hvernig skaupið muni verða og á gamlárskvöld fáum við svarið. Auðvitað sýnist sitt hverjum um skaupið. Bestu skaupin voru að mínu viti uppúr 1980 þegar Flosi, Edda Björgvins og Gísli Rúnar stýrðu skaupinu.

Skaupið núna fannst mér ágætt, mörg atriðin voru óborganleg og karaktersköpunin var mögnuð. Sérstaklega var ég hrifin af leik Ilmar Kristjánsdóttur þegar hún var Gísli Marteinn. En eftir að hafa horft aftur á skaupið þá koma sketsar eins og af ríkisstjórnarfundinum með ísbirninum og þátturinn á ÍNN sterkir inn. Jón Gnarr sem Páll Óskar fannst mér brilljant og símsvarinn hjá stofnununum fannst mér lýsa ástandinu eins og margir sjá það. Enginn heima! Sakbendingin hjá löggunni, bent á alla réttu sökudólgana, en nei ... við skulum ekki benda á neina sökudólga, ekki horfa í baksýnisspegilinn!

"Erum við þá komin af öpum eftir allt saman, sagði sveitt þingkonan og löðrungaði hundinn sinn!" Hverjum dettur þetta í hug!

Það fór þó verulega í taugarnar á mér innlegg Hugleiks Dagssonar. Æi, ekki fyrir minn smekk.

Ég gef skaupinu fína einkunn, þrjár og hálfa til fjórar stjörnur af fimm.

Athugasemdir

[Helga Kristjánsdóttir, 2.1.2009 kl. 02:06]

Ég get aldrei metið skaupið almennilega fyrr en eftir endurtekningu.En þótt maður eigi eftir að meðtaka þessa listamenn örugglega betur,sitja þessir gömlu í huga manns svo sterkir og eftirminnilegir, kvitta undir þetta vinkona.

[Þórarinn M Friðgeirsson, 2.1.2009 kl. 12:32]

Jú skaupið í ár það var svona samtíningur, Jón Gnarr fannst mér góður sem Páll Óskar líka en atriðið með mótmælaspjaldið fannst mér algjörlega standa uppúr (helv. fokking fokk) og fésbókardæmið líka en að öðru leiti var þetta bara svona lala en kannski var maður ekki velupplagður til að taka við þessu maður spyr sig. Tótinn

[Jenný Anna Baldursdóttir, 2.1.2009 kl. 16:22]

Mér fannst skaupið frábært og Hugleikur þar með talinn.

Kveðja á þig.

[Gudrún Hauksdótttir, 2.1.2009 kl. 17:06]

Skaupid var frábært .Eitt tad besta í langann tíma.Mér fannst mörg smáatridi alveg ótrúlega vel gerd og sett upp.Jón Gnarr gódur sem páll Óskar.Eins ólíkir og teir eru í veruleikanum.

Kvedja frá Jyderup