Pressa

Pressa, nýr íslenskur spennusería sem sýndur er á Stöð 2, er að mínu viti algjör snilld! Fyrsti þátturinn, sem var sýndur milli jóla og nýárs var í boði Byrs sparisjóðs og ég datt beinlínis inní þáttinn. Hraðinn er mikill, efnisþráðurinn þannig að maður fylgir honum alveg þó hann sé mátulega dulúðlegur og svo er þátturinn meinfyndinn. Gestur er t.d. algjörlega óborganlegur karakter.

Það hefur aldrei legið fyrir mér að kaupa mér áskrift að Stöð 2. Ég hef hins vegar haft áskrift að Sýn um nokkurt skeið, enda fæ ég þar ýmsa afþreyingu sem mér líkar vel, s.s. meistaradeildina í fótbolta, golf o.fl. Fyrsti þátturinn af Pressu ýtti nokkuð við mér. Mér finnst þetta spennandi og í kvöld brá ég mér bæjarleið til að sjá þátt númer tvö. Hann var ferðarinnar virði og ég velti því mikið fyrir mér hvort ég eigi að vera í heimsóknum hjá vinum og vandamönnum, sem kaupa Stöð 2, á sunnudagskvöldum eða hvort ég eigi að kaupa sjálf áskrift!

Að kaupa áskrift eða kaupa ekki áskrift að Stöð 2, þar er efinn!

Athugasemdir

[Kolbrún Jónsdóttir (IP-tala skráð) 8.1.2008 kl. 10:29]

Sæl Ingibjörg og gleðilegt ár.

 Hjartanlega sammála - mér finnst þessir þættir algjör snilld.

Vertu bara velkomin á sunnudagskvöldum - ég missi ekki af þessu.

Engin ástæða til að kaupa áskrift.

 Kv. Dolla