Góðir hlutir gerast hægt

Undanfarna daga og vikur hafa ýmsir þrýstihópar farið mikinn í bloggheimum og í fjölmiðlum þar sem því hefur statt og stöðugt verið haldið fram að það sé ekkert að gerast hjá ríkisstjórninni. Þessu hefur verið svo ítrekað haldið fram að margir eru farnir að trúa þessu. Það er eðlilegt og það er í okkar eðli að trúa því sem okkur er sagt, trúa án þess að staðreyna.

En hefur ríkisstjórnin setið auðum höndum? Nei ég held ekki, alþingismenn fengu ekki að fara í sumarfrí fyrr en langt var liðið fram á haustið og ég hef ekki orðið vör við það að ráðherrar ríkisstjórnarinnar hafi verið mikið fjarverandi vinnustöðvum sínum, án þess þó að ég hafi lagst í djúpar rannsóknir þar á. Hins vegar hafa margir þeirra sem nú hrópa á torgum tekið sér gott leyfi, ekki náðist í forystumenn Sjálfstæðisflokksins á dögunum og enn dýpra hefur verið niður á forystu Framsóknarflokksins. Nú koma þessir foringjar og gæðingar þeirra fram á sjónarsviðið, endurnærðir og fullir orku eftir gott frí og hamra á ríkisstjórninni og heldur því fram að ekkert hafi gerst á síðustu vikum.

Það er löngu sannað, og það vita allir sannir verkmenn, að það tekur mun styttri tíma að rífa niður heldur en byggja upp. Góðir hlutir gerast hægt, segir einhversstaðar og ég held að forystumenn stjórnarandstöðunnar verði að líta í spegilinn þegar færi gefst og spyrja sjálfa sig, hvað það taki langan tíma að byggja upp það þjóðfélag sem þeir dunduðu sér við að rífa niður á tæpum 10 árum.

Já og ég heyrði í Sigmundi Davíð í útvarpinu í dag, það var hressandi, sumt breytist ekkert!

 

Athugasemdir

[Þráinn Jökull Elísson, 23.9.2009 kl. 23:24]

Þetta eru dæmigerð vinnubrögð stjórarandstöðunnar og fylgifiska þeirra. Þeir vita sosum allt um gullfiskaminni landans. Nú er bara að halda fólki við efnið og snúa vörn upp í sókn og svara þessu liði fullum hálsi og umfram allt að halda landanum vakandi og upplýstum um það sem er að gerast.

[Sigurður Þorsteinsson, 24.9.2009 kl. 17:37]

Ingibjörg, það er nú óþarfi að fara svona hægt, í morgun fór snigill fram úr ríkisstjórninni.  

[Ingibjörg Hinriksdóttir, 24.9.2009 kl. 19:16]

Siggi ... aaaaahhahahahaha!

[Ingibjörg Hinriksdóttir, 24.9.2009 kl. 19:17]

já og Siggi, afturganga sást í Hádegismóum!

[Arnar Geir Kárason (IP-tala skráð) 24.9.2009 kl. 21:18]

hahaha..ég féll á gólfið af hlátri...stóð svo upp og leit aftur á þessa setningu og svo sprakk ég aftur úr hlátri.

Samspillingin er hlægileg og þið klappstýrurnar eruð grátbroslegar í besta lagi.