Vægi skoðanakannana

Þann 4. apríl sl. setti ég af stað skoðanakönnun hér á blogginu mínu þar sem ég spurði um það hvaða flokk lesendur síðunnar ætluðu að kjósa. Alls tóku 599 afstöðu til könnunarinnar og af þeim voru 530 gild, 56 ætluðu að skila auðu og 13 ætluðu ekki að kjósa.

Það vekur athygli mína hversu nálægt mín könnun var niðurstöðum kosninganna. Raunar er það þannig að atkvæði til Lýðræðishreyfingarinnar annars vegar og Samfylkingarinnar hins vegar virðast stemma nær alveg. Í minni könnun fékk Samfylkingin t.d. 29,6% greiddra atkvæða en skv. kosningaúrslitum sem nú liggja fyrir á ruv.is fékk Samfylkingin 28,8% atkvæða.

Í raun má segja að þeir sem sækja síðuna mína heim sé nokkuð góður þverskurður af hinu pólitíska landslagi. Ég get ekki annað en verið ánægð með það og þakka ykkur öllum kærlega fyrir heimsóknirnar og þátttökuna í skoðanakönnuninni.

Sigurvegurum kosninganna, þar sem allmargir eru tilnefndir, óska ég til hamingju með árangurinn. Ég hlakka til komandi daga þar sem það mun ráðast hvernig ríkisstjórn Íslands verður skipuð næstu 4 árin.

	ingibjhin.blog.is			Kosningar 25.04.09			Mism.
B	45	8,5%		27.699	14,8%		6,3%
D	140	26,4%		44.369	23,7%		-2,7%
F	32	6,0%		4.148	2,2%		-3,8%
O	47	8,9%		13.519	7,2%		-1,6%
P	4	0,8%		1.107	0,6%		-0,2%
S	157	29,6%		55.758	29,8%		0,2%
V	105	19,8%		40.580	21,7%		1,9%
alls	530			187.180

 

 

Athugasemdir

[Ólafur Þór Gunnarsson, 26.4.2009 kl. 17:16]

Sæl Ingó og til hamingju með kosningarnar. Við myndum ríkisstjórn um endurreisn samfélagsins. Könnunin þín er ágætt þversnið, en þú þarft að auglýsa aðeins á framsóknarsíðunum !

[Helga Kristjánsdóttir, 27.4.2009 kl. 01:26]

Þessi kosninganótt var afar spennandi,var hjá Jollu í góðum mat,síðan svissað á milli stöðva,já virtust svo margir ánægðir með sinn hlut. Nú verður gefið í botn hjá ríkisstjórninni.