Áróðursmaskína íhaldsins farin af stað

Það var broslegt að heyra síðdegisútvarpið á Bylgjunni í dag. Greinilegt er að áróðursmaskína íhaldsins hefur fengið fyrirskipanir og í lofi og lasti dagsins hringdu stuttbuxnadrengir í umvörpum og hrósuðu Geir Hilmari og Davíð fyrir hugdirfsku þeirra, dugnað og ráðdeildarsemi á örlagatímum.

Það var ekki laust við að kjánahrollurinn góði gerði vart við sig, en þó varð það ekki svo heldur fannst mér það óskaplega fyndið þegar uppvöxnu stuttbuxnadrengirnir hringdu hver af öðrum og hrósuðu ráðherranum. Mest fannst mér fyndið að heyra í Tuma vini mínum, sem ég trúi ekki að hringi á degi hverjum, en hann fylgir fyrirmælum flokksins - það veit ég. Mér finnst svo sem ekkert að því að stöku menn hrósi Geir, en þegar það er gert með þessum hætti verður þetta ekki aðeins kjánalegt, heldur beinlínis hallærislegt.

Mætum öll á mótmælafund á Austurvelli kl. 15 á morgun og ítrekum kröfur okkar um endurnýjun í æðstu valdastöðum.

Athugasemdir

[Hólmdís Hjartardóttir, 28.11.2008 kl. 18:32]

Vonandi mætum við fleiri en nokkru sinni

[Hlynsi (IP-tala skráð) 29.11.2008 kl. 00:40]

Ég heyrði þetta á Bylgjunni líka og tek undir með þessu fólki sem hringdi inn og hrósaði Geir og félögum. Mér finnst svolítil óvirðing að uppnefna þetta fólk. En lopapeysudeild vinstri grænna hefur væntanlega fengið dagskipunina og reynir að smala sem flestum á kosningafund flokksins á Austurvelli á morgun.

[Magnús V. Skúlason, 29.11.2008 kl. 01:46]

Það er alltaf fyndið þegar fólk fær kjánahroll þegar það áttar sig á því að það er í alvörunni til fólk sem hefur ekki sömu skoðun og það sjálft . . .

[Ingibjörg Hinriksdóttir, 29.11.2008 kl. 22:55]

Hlynsi ég hef ekki hugmynd um hvað lopapeysudeild vinstri grænna er að gera, sennilega eitthvað svipað og stuttbuxnadeild íhaldsins. Uppnefni hvað? Það er ekki annað að sjá en þú sért sjálfur að uppnefna deild innan vg í þinni athugasemd. Auk þess þorir þú ekki að skrifa þitt rétta nafn, sem er kannski eðlilegt miðað við málstaðinn.

Magnús, ég hef ekkert á móti því að fólk hafi aðrar skoðanir en ég, auk þess fékk ég ekki kjánahroll ... en það lá við.

frú heimur, hver talar niður hvað og hver er með áróður? Hér tjái ég mínar skoðanir og hvet til þess að menn mæti á mótmælafund. Það er hverjum og einum í sjálfsvald sett hvort hann mæti. Minn "áróður" fer fram hér á minni bloggsíðu, þú þarft ekki að vera hér og lesa mínar færslur frekar en þú vilt. Auk þess þorir þú ekki að skrifa þitt rétta nafn, sem er kannski eðlilegt miðað við málstaðinn.