Pappírsverksmiðja

Það er ekki í huga mér að mótmæla því ef einhver kemur með hugmyndir að nýjum atvinnumöguleikum á Íslandi. Sjálfsagt er þessi pappírsverksmiðja hið besta mál en ég komst ekki hjá því að hugsa um ferð sem ég fór til Oulu í Finnlandi fyrir átta árum. Hefur einhver fundið lyktina sem kemur frá pappírsverksmiðju?

Pappírsverksmiðjan þarf ekki í umhverfismat

Athugasemdir

[Friðrik Aspelund (IP-tala skráð) 10.12.2008 kl. 23:51]

Það fer eftir framleiðsluaðferð, hvort lykt er af pappírsverksmiðjum. Það verður örugglega enginn óþefur af þessari verksmiðju. Hinsvegar er lyktin af sellulósaverksmiðjum, sérstaklega súlfítversmiðjum ekki ósvipuð þeirri sem alltaf hefur verið í Hveradölum.

[Gunnar Th. Gunnarsson, 11.12.2008 kl. 21:31]

ER staðsetningin þá ekki fullkomin? 

[Lilja Guðrún Þorvaldsdóttir, 12.12.2008 kl. 01:10]

Humm, það er ekki girnileg lyktin af pappírsverksmiðjum, þó er hún skárri en lyktin af loðnubæðslu, eða síldarbræðslu, ekki satt?

En hvernig væri að setja upp karamelluverksmiðju út á Kársensi, það er sæt lykt af þeim.

Einusinni var Lakkrísverksmiðja við hliðina á Frystihúsinu sem var innst inn í Fífuhvammi. Þá fór maður alltaf og keypti lakkrísafganga í hádeginu á föstudögum þegar maður fékk útborgað.

[Helga Kristjánsdóttir, 12.12.2008 kl. 04:14]

Þetta minnir mig á kvörtun Þorlákshafnarbúa,vegna þorkshausaverksmiðju,lyktin gýs upp öðru hverju,að sögn Júlla sonar míns. Ég kallaði þetta tepruskap,maður,miklast stundum af "kúlinu",í gamla daga. Ég skil þau nú samt.

[Ingibjörg Hinriksdóttir, 12.12.2008 kl. 08:18]

Mikið líst mér vel á hugmynd Lilju Guðrúnar. Karamelluverksmiðja út á Kársnes. Ég man vitaskuld vel eftir lakkrísverksmiðjunni við hliðina á Barðanum, líka eftir brjóstsykursverksmiðju á Nýbýlavegi. Held það myndi fullkomna þrennuna með því að setja karamelluverksmiðju á Kársnes!

[Ingibjörg Hinriksdóttir, 12.12.2008 kl. 13:22]

Takk Addi, algjörlega ógleymanleg stund og tilfinningaþrungin (eins og kannski heyrist í myndbandinu!)