Krafan stendur enn

Krafan sem ég setti fram hér þann 16. nóvember sl. stendur enn, þrátt fyrir flokksstjórnarfund, rannsóknarnefnd, litla Glitnismanninn og allt það sem gerst hefur frá þeim degi. Til að ítreka kröfuna þá birti ég hana aftur:

Í fyrsta lagi er krafan sú að stjórn Seðlabanka Íslands víki öll og að þar verði skipuð ný stjórn þar sem hæfir einstaklingar setjist í stjórn en ekki einhverjir flokkshestar sem eru í náðinni hjá stjórnvöldum á hverjum tíma.

Í öðru lagi er krafan sú að stjórn Fjármálaeftirlitsins, og æðsta stjórn þess, sem sannarlega svaf Þyrnirósarsvefni undanfarin ár verði látin víkja því aðeins þannig getur almenningur í landinu fengið einhverja vissu fyrir því að eftirlit verði haft með ríkisbönkunum og því sem mun gerast í framhaldinu.

Í þriðja lagi þurfa a.m.k. tveir ráðherrar að stíga fram og axla sína ábyrgð á málinu. Þar fara fremstir ráðherra bankamála annars vegar og ráðherra fjármála hins vegar. Ef fleiri ráðherrar taka uppá því að axla ábyrgð á ástandinu, s.s. forsætisráðherra þá er það í góðu lagi mín vegna.

Í fjórða lagi þarf að boða til kosninga í vor svo þjóðin geti kveðið upp sinn dóm gagnvart þeim stjórnvöldum sem hafa ekki staðið vaktina og sinnt þeim skyldum sem þjóðin fól þeim í síðustu kosningum, kosningunum þar á undan, kosningunum þar þar á undan og svona mætti lengi telja.

Athugasemdir

[Stefán Gíslason, 27.11.2008 kl. 10:44]

Ég styð allar þessar kröfur þínar félagi Ingibjörg! Og þegar við erum bæði í sama liði trúi ég ekki öðru en eitthvað róttækt gerist!

[Þórarinn M Friðgeirsson, 27.11.2008 kl. 16:03]

Sæl Ingibjörg krafan er réttmæt að mestu að mínu mati en hræddur er ég um að lítið af þessu nái fram að ganga því miður. Nema með kosningarnar ég held að stjórnin verði ekki sett á annan vetur nema stólarnir telji meira en heilindin ???

[Guðrún S Hilmisdóttir, 27.11.2008 kl. 17:48]

Sæl Ingibjörg, styð allar þessar kröfur heilshugar -

[Jenný Anna Baldursdóttir, 27.11.2008 kl. 18:07]

Tekk undir þetta frá a-ö.

[Þorsteinn Ingimarsson (IP-tala skráð) 27.11.2008 kl. 23:18]

á þá ekki að mæta á Austurvöll á laugardaginn ??

[Helga Kristjánsdóttir, 28.11.2008 kl. 06:11]

Hæ! vaknaði, núna ,sjá hvað þú leggur til og þið.   Hefurðu kosið hjá vini mínum Kjartani (photo). Þurfa 3 að vera í seðlabankastjórn,      eða 63 á þingi? Leyfi mér vegna áralangra vináttu,að velta fyrir mér hér á þinni síðu,gagnríni framkvæmdastjóra atvinnilífsins (afhverju ekki bar lífsins) Sé að Lilja Móses er ekki sammála,honum. Landið fullt af hagfræðingum og fáir sammála (hef ekki lagt í að spyrja minn hagfræðing,Jollu).   Vona bara að besta fjármálastjórn landsins verði valin,annars finnst mér sem aðrir hagsmunir en Íslands í heild séu þar að ráða för. Veit ekki nú hvort ég sendi þetta,  æi jú "bara".gamla knúsið.

[Ingibjörg Hinriksdóttir, 28.11.2008 kl. 17:57]

Ég mæti að sjálfsögðu á Austurvöll á morgun eins og síðustu laugardaga og Ægir, ég tók hvoru tveggja á laugardag; fór á flokksstjórnarfund, stakk síðan af þaðan og mætti á Austuvöll.