Svona er bókað í bæjarráði Kópavogs

Í miðju krepputalinu rakst ég á þessa bókun úr bæjarráði Kópavogs í byrjun mánaðarins, 9. október. Þetta skýrir sig sjálft. 

2.    Erindi og umsagnir frá starfsmönnum
 
a)     - Frá bæjarstjóra niðurstöður útboðs á hverfagæslu í Kópavogi.
Hlé var gert á fundi kl. 16:10.  Fundi var fram haldið kl. 16:15.
Bæjarráðsfulltrúar Samfylkingarinnar lögðu fram eftirfarandi bókun:
"Fulltrúar Samfylkingarinnar eru nú sem fyrr andvígir því að bjóða út hverfagæslu í Kópavogi. Við teljum það þarflaust og óþarfa fjárútlát fyrir sveitarfélagið. Bendum jafnframt á að engin gögn liggja fyrir sem sýna fjölgun innbrota í bænum á síðustu misserum.
Guðríður Arnardóttir, Hafsteinn Karlsson."
Gunnar Ingi Birgisson, bæjarstjóri, lagði fram eftirfarandi bókun:
"Afstaða Samfylkingarinnar er óskiljanleg þegar verið er að auka öryggi íbúa Kópavogs.  Ætli afstaða Guðríðar Arnardóttur skýrist af því að hún er gift lögreglumanni.
Gunnar Ingi Birgisson"
Hafsteinn Karlsson lagði fram eftirfarandi bókun:
"Mér finnast aðdróttanir bæjarstjóra ósmekklegar af þessu tilefni.
Hafsteinn Karlsson"
Guðbjörg Sveinsdóttir lagði fram eftirfarandi bókun:
"Alger óþarfi er að fara út í persónuleg málefni af þessu tilefni.  Það er óskiljanlegt.
Guðbjörg Sveinsdóttir."
Bæjarráð óskar eftir umsögn skrifstofustjóra fjármála- og stjórnsýslusviðs um niðurstöðu útboðsins.

Athugasemdir

[Helga Kristjánsdóttir, 23.10.2008 kl. 01:51]

þú ert nú meira krúttið á þessari mynd,hún er stærri á Moggablogginu heldur en á þinni forsíðu.   Og ég er bara búin að dást að henni hef ekkert um Kóp.pólitík að segja bið bara fyrir stjórnendum þessa lands,stjórnarandstöðu, öllum,gerum umheiminn forviða yfir seiglu þessarar þjóðar.Höfum við ekki dug og djörfung til þess?

[Sigurður Þorsteinsson, 23.10.2008 kl. 06:34]

Sæl Ingibjörg

Þetta er nú alveg óþarfa skeyting hjá Gunnari Birgissyni, þó það skýri sennilega afstöðu Samfylkingarinnar í Kópavogi í málinu. Hef vaxandi áhyggjur af minnkandi félagsþroska og félagsmálaþekkingu á sveitarstjórnarstiginu. Það kemur meðal annars fram í samstarfi meirihluta og minnihluta. Þegar pólitíkin fer út í að vera trúmál þá erum við komin á hættulega braut. Mér finnst glitta í það að það séu að koma fram pólitíkusar í öllum flokkum á landsvísu sem munu láta fagleg sjónarmið ráða fremur en flokkspólitísk. Vonandi verður það einnig þróuninin á sveitarstjórnarstiginu.

[corvus corax, 23.10.2008 kl. 13:53]

Það er mjög einföld skýring á bókun bæjarstjórans í Kópavogi og allri hans embættisfærslu fyrr og síðar. Hann er siðblindingi  og hrokagikkur af sama kaliberi og Ceaucescu Oddsson í Bleðlabankanum.

[Sigurður Þorsteinsson, 23.10.2008 kl. 22:42]

Ræddi fyrir allnokkru við einn góðan vin minn, sem  sem vann hvað ötullega að tilurð Samfylkingarinnar. Sagði honum að mér findist mikill mismunur á starfi og áherslum Samfylkinganna á milli sveitarfélaga. Fá því að vera framsýnn frjálslyndur jafnaðarmannaflokkur, yfir í það að vera vinstra megin við VG með áherslu á opinberan rekstur og nöldurseggir. Nánast eins og ofstækisfullur trúflokkur. Einmitt þetta var ég að vara við á í bloggi mínu hér að ofan. Svo kemur corvus corax, sem sennilega er einn af trúboðunum Samfylkingarinnar í Kópavogi fram með boðskap sinn.